जागरण

By -
रात्री १२ नंतर जरा शांत होतं हे शहर.. मग मी ह्या ११व्या मजल्यावरच्या बाल्कनीत बसून मनातला गोंधळ मांडायला लागते ..
 मधूनच जाणारी एखादी उशिराची ट्रेन लांबून दिव्यांच्या माळेसारखी दिसत असते.. एका बाजूला सततचा पण जरा कमी झालेला हायवेवरचा ट्रेफिक हळदी-कुंकवाच्या रेघा आखत असतो..मग माझ्या मनातल्या पसरलेल्या शब्दांनाही ओळींमध्ये बसावं लागतं..
खाडीपलीकडच्या शहरातल्या दिव्यांची लखलख अजून चालू असतेच.. पांढरे-लाल-पिवळे-भगवे-निळे.. आणि रिकाम्या जागा भरायला थोडा अधिक काळा रंग..
दिवसभरातल्या माझ्या आठवणीही मग रंग घ्यायला लागतात असे.. काळे-पांढरे-लाल-पिवळे-भगवे-निळे..

समोरच्या एका बिल्डिंगमधेही एक दिवा असाच बराचवेळ  लागलेला दिसतो.. काय करत असेल तो? मांडलेला पसारा आवरत असेल की आवरलेल्या स्वतःला परत पसरत असेल?

Comments

Post a Comment

Popular posts from this blog

रबने बनादी जोडी...

By -
डोक्यात जायला लागलीत ही फेसबुकवरची कपल्स... आम्हीपण करतो अधूनमधून पोस्ट एकमेकांबद्दल... पण म्हणून "पिल्लुडी" "बबडी" "तू माझं सर्वस्व आहेस" ":-* :*" "माझा टेडूला" "माझी मनीमाऊ" वगैरे काय अरे सारखं सारखं??  पब्लिकमध्ये अतिगोड वागणाऱ्या ह्या जोड्यांबद्द्ल कायमच उत्सुकता असते मला... दाखवायला लोक नसतात तेव्हाही इतकं गोड-गोड वागतात का ही लोकं? आणि एकमेकांबद्दल केलेल्या डायबेटिक पोस्ट्सवर "तुमची म्हणजे अगदी रबने बनादी जोडी आहे हं" अशी कमेंट कशी काय करू शकतं कोणी?? actually  मला पोस्ट कम्प्लीट करायची होती.. पण आत्ताच एका रबने बनाया हुव्या जोडीने स्टेट्स अपडेट केलंय... मला आणि माझ्या छकुल्याला आता फॉलो करायच्या आहेत त्याच्यावरच्या कमेंट्स... (माझा छकुला म्हणजे इथे ह्या संदर्भात माझा नवरा.. दुसऱ्या संदर्भात  "माझा छकुला" कसला पिक्चर होता ना)
Read more

हुमुहुमुनुकूनुकूआप्वा - हवाई मेमरीज - १

By -
Image
हुमुहुमुनुकुनुकूआप्वा हा हवाईचा राज्य-मासा आहे. राज्य-मासा वगैरे प्रकार असतात हे मला आत्ताच कळलं. " कॅलिफोर्नियाचा राज्य-मासा गोल्डन ट्राऊट आहे. " अवतरणचिन्हातली माहिती उगाच 'मला किनी गुगल वापरता येतं' दाखवायला... महाराष्ट्राचा राज्य-मासा कोणता होऊ शकला असता? बोंबील कदाचित? काय माहित.. कोणताही मासा असला तरी हुमुहुमुनुकुनुकूआप्वा सारखं प्रचंड ऑसम नाव नसेल हे निश्चित!! ह्या सिरीजला हुमुहुमुनुकुनुकूआप्वा नाव देण्यामागे ह्या  नावाचं ऑस्सम असणं हे पहिलं कारण आहे. दुसरं महत्वाचं कारण हे कि ही सिरीज नक्की काय आहे हे ठरलेलंच नसल्याने अन्क्लिअर नाव असलेलं बरं! हे फक्त प्रवासवर्णन नाही किंवा फक्त अनुभवलेखनही नाही. ही हवाईतली दैनंदिनी नाही कि आयटीनीररी गाईडसुद्धा नाही; ह्या सगळ्याच मिश्रण मात्र नक्कीच आहे. सर्वात महत्त्वाचं म्हणजे हे "तू काय विचार करतोयस/ करत्येस?" आहे. "तू काय विचार करतोयस/करत्येस?" ... तुम्ही आधीचं काही वाचलं नसाल तर थोडक्यात महत्त्वाचं: मला टाईमपास बडबड करायला आवडते आणि अमोलला अर्ध्या-अधिक वेळा काय बोलायचं सुचत नसतं. त्याला बोलतं कर
Read more

Dating Around (1/n)

By -
अबक रेस्टॉरंट  ती: प्रोफाईल वर दिलेली माहिती सोडता, मला तुझ्याबद्दल काहीच माहित नाहीये. सांग ना अजून जरा तुझ्याबद्दल...  तो: अं लेट्स सी... मी बॉर्न आणि ब्रॉट अप नाशिक आणि आता अल्मोस्ट ६ वर्षं इथे आहे.  ती: ओह ६ वर्षं म्हणजे बराच काळ झाला. नाशिकला कुठे?  तो: नाशिकला कॉलेज रोड जवळ आमचं घर आहे.  ती: अरे वा! मस्त भाग आहे ना तो ? तो: हॅपनिंग आहे.  ती: हं. मग आता नाशिकला कोण असतं?  तो: आई बाबा असतात. ताईपण असते.  ती: ओह तुला ताई आहे? म्हणजे तू शेंडेफळ आहेस का?  तो: yeah! ती: कुल कुल... मग तुला नाशिकला जास्त आवडतं की इथे?  तो: व्हाय डू आय फिल की माझा इंटरव्ह्यू चालू आहे...  ती: वाटतंय ना तसं? तू एका वाक्यात उत्तरं दिली नाहीस आणि जरा  "व्हॉट अबाउट यु?" म्हणून मलाही प्रश्न विचारलेस तर नाही वाटायचा इंटरव्ह्यू!  तो: बर्न!! तुला बघून तुला राग येत असेल वाटलं नव्हतं.  ती: रागावले वगैरे नाहीये पण फक्त डेटिंग १०१ सांगते आहे की जरा प्रश्न विचारावे, समोरच्या माणसात थोडा इंटरेस्ट दाखवावा..  तो: ओके ओके... मग टेल मी समथिंग अबाउट युरसेल्फ..  ती: ओह आता माझी मुलाखत का? तर... (फेक accent मध्ये) ओह
Read more